லூக்கா 1:39-40: அதன்பின் மரியா புறப்பட்டு யூதேய மலைநாட்டிலுள்ள ஓர் ஊருக்கு விரைந்து சென்றார். அவர் செக்கரியாவின் வீட்டை அடைந்து எலிசபெத்தை வாழ்த்தினார்.
இதில், இறைமகனை அறிவிக்கும் பணியுடன் செக்கரியா மற்றும் எலிசபெத்தை நோக்கிச் செல்லும் இறைவனின் சீடராக மரியா திகழ்கிறார். அதேவேளையில், கிறிஸ்துவுக்கு முன்னோடியாக அமையவிருப்பவரைத் தம் கருவில் சுமந்து தம்மைச் சந்திக்க வரும் மரியாவை வரவேற்கும் பணியில் ஈடுபடும் இறைவனின் சீடராக எலிசபெத்தும் திகழ்கிறார்.
"சீராக இருந்து, பின்னர் பிறரைப் சீடராக்குதல்" என்பதற்கு சில ஒழுக்கநெறிகள் தேவைப்படுகின்றன:
1சந்திப்பு
நற்செய்தியைப் பறைசாற்ற, முதலில் "என்னைப் பின்பற்றுங்கள்" என்று அழைக்கும் இயேசுவை நாம் சந்திக்க வேண்டும். இயேசு உண்மையில் யார் என்பதற்கான ஆழமான பொருளை நாம் தேடி அறிய வேண்டும். இயேசுவுடனான தனிப்பட்ட சந்திப்பின் மூலம், கடவுள் மீதான நமது அர்ப்பணிப்பில் சமூகத்தில் நாம் செயல்படும் விதத்திலும் நமது கிறிஸ்தவ அடையாளம் வெளிப்படுகிறது.
2மனமாற்றம்
இயேசுவின் வார்த்தைகளைக் கேட்டு அவரில் நம்பிக்கைக் கொள்வது தூய ஆவியின் செயல்பாட்டின் மூலமே நிகழ்கிறது. தூய ஆவியின் தலையீட்டினால், நாம் சிந்திக்கும், வாழும் மற்றும் ஏற்றுக்கொள்ளும் விதங்களில் மாற்றங்கள் ஏற்படும்.
3சீடத்துவம்
இயேசுவின் சீடராக இருக்க, நமக்கு அறிவு மற்றும் அன்பு தேவை; அத்துடன் இயேசுவின் ஆளுமை, அவரது முன்மாதிரி மற்றும் போதனைகள் ஆகியவற்றின் வழியாக அவரது மறைபொருளை ஆழமாகப் புரிந்துகொள்ள வேண்டும். நமது கிறிஸ்தவ வாழ்வையும் பணியையும் காத்துக்கொள்ள, தொடர்ச்சியான மறைக்கல்வி அவசியம்.
4ஒன்றிப்பு
கிறிஸ்தவ வாழ்வு சமூகத்தில் தொடங்குகிறது. ஒரு சீடர் திருஅவையின் வாழ்வில் பங்கேற்று, ஒருவருக்கொருவர் இணைந்து பணியாற்றி, ஒற்றுமையுடனும் சகோதரத்துவத்துடனும் வாழ்வார். துணைநிற்பதும் ஊக்குவிப்பதும தூய ஆவியின் மூலம் முதிற்சியடைகின்றன.
5தூதுறப்பணி
கிறிஸ்துவைச் சந்திக்கும் அனுபவமும் இறைவனின் அன்பும் கிடைக்கும்போது, தூதுறப்பணியைப் பகிர்ந்துகொள்ளும் சூழல் உருவாகிறது; அப்போது மகிழ்ச்சியும் மலர்கிறது. தேவையற்றதை அவசியமானதாக மாற்றுவதே இப்பணி. சீடத்துவத்திலிருந்து இப்பணியைப் பிரிக்க முடியாது.
சிதனை
இன்றைய கிறிஸ்தவர்களாகிய நாம், இறைவனுக்காக எப்போதும் பணிபுரியும் சீடர்களாக இருக்கத் தயாராக இருக்கிறோமா? ✜
Scripture, prayer and the closing quote
இன்றை இறைவார்த்தை
எசாயா 45: 1, 4-6
திருப்பாடல் 96: 1, 3-5, 7-10
1 தெசலோனிக்கேயர் 1: 1-5
மத்தேயு 22: 15-21
"கிறிஸ்துவில் ஒன்றித்திருத்தல் – அவரோடும் நம் சகோதர சகோதரிகளோடும் ஒருங்கிணைந்து தூதுறப்பணிசெய்யும் சீடர்கள். கிறிஸ்துவோடு ஒன்றித்திருக்கும் அந்த மறைபொருளே இப்பணியின் மையமாகத் திகழ்கிறது..."
வெளியீடு: மாமறைமாவட்டம் மேய்ப்புப்பணிக் நிலையம் (API) | Email: [email protected]